Other B Sallam
Kafa - كفى

#Listen

#Lyrics
كفي يا كون جفا ناسك اختفي من عينها الصفا
لا في منك رجا سادت الانا مبدأ حب الخير للغير اتنفي
ده الصبر كل مل ما لاقي حل يا عالم شر و ذل ليه بتبخ اليأس سم في كل ثغر جوا دم كل حلم طموحه فوق طاير للسما
العيشه خنقه عكس سعادتك عكس مبادئك
العيشه خنقه و في وسط دي هوجه ما ليك غير نفسك
مخزون عشمك في الناس في نفاز هتحتاس
هتلاقي نفسك اي لحظه معرض للافلاس
فمتديش كل اللي في قلبك متكملش ع الاخلاص
و اعمل جميله في نفسك و الحقها قبل ما تنداس
ده حتي لحوا بنت قلبك متدهاش التمام
ياما عشره سنين خلصت بعدم اهتمام و اتنست بالايام

بوووووح .. لامتي الكبت هيفضل ماليك
قول في الفضا كل اللي فيك
احسن ما تقول لناس و تخون
كفي كفي .. قلبي خلاص اكتفي
العيشه بقت مرض و الموت فيها الشفا الموت شفا

كفي استسلام للاحلام الاحلام دي اوهام مش حزام امان
مهما تبعد فالواقع حقيقه يا تواجهها يا تكون حطام يا تكون جبان
متهربش و تقول هكمل بكره متقعدش تضيع في الايام
صدقني هتندم و هتقول لنفسك يا ريت اللي جري ما كان و فقت قبل فوات الاوان
بعافر و اقول هكمل في حلمي الطريق
اتاري الطريق من البدايه مش عاوز يكونلي صديق
الدنيا دي عاوزه ناس خبيثه اقتل كل طيبه فيك اقتل روحك البريئه
الخير قليل فيها و جنود الشر طليقه
ياجوج و ماجوج طلعوا و مفيش سيدنا عيسي
فالحق نفسك روضها علي طباع الدنيا
لاجل تسلك لاجل ما تندم في اللي باقي و جاي من عمرك

بوووووح .. لامتي الكبت هيفضل ماليك
قول في الفضا كل اللي فيك
احسن ما تقول لناس و تخون
كفي كفي .. قلبي خلاص اكتفي
العيشه بقت مرض و الموت فيها الشفا الموت شفا

فاكر لما كنا صغار كنا بنحلم نبقي كبار
مكنش في ايدنا اي قرار مفيش علينا لوم و لا اعذار
مكناش عارفين نميز بين الامين و بين خاين اليمين بالفطره عايشين وسط الشر مزروعين فاكرين الكل شبهنا و لما كبرنا عرفنا اننا كنا بالوهم مخدوعين
كنا نقوم الصبح بدري شايفين الدنيا وردي
كانت الدنيا في عينا حلوه قلبك بيلمع مش من الخبث مصدي
كنت فاكر ان في ايدك انك تقدر تغير كل شر لخير
كنت فاكر ان الصح بيكسب و ان الغلط طول عمره ضرير
و لما كبرت عرفت ان الغلط دايما بيكسب
و ان الخير متاكل حقه ورا القضبان اسير

بوووووح .. لامتي الكبت هيفضل ماليك
قول في الفضا كل اللي فيك
احسن ما تقول لناس و تخون
كفي كفي .. قلبي خلاص اكتفي
العيشه بقت مرض و الموت فيها الشفا الموت شفا
====================================
Social :
Anghami : goo.gl/nS8GLv
Instagram :goo.gl/GnjWMA
Twitter : goo.gl/5T3tYP
Fan Page : goo.gl/QJLUK6
Facebook Profile : goo.gl/4Hpvsq
Youtube : goo.gl/vsge3Q
SoundCloud : goo.gl/kvoB9a
@b-sal-lam