Other B Sallam
يا مستحيل - Ya mostahel

master & mix by : Fidro Records
Poster & Video By : @megzmagdy
Video Link ON Youtube: goo.gl/dXs4FF
#listen
#lyrics :

Verse 1
عارف لما تبقي خايف متشعلق في خيط ضعيف
عارف لما تبقي شايف حبك ليها مجرد طيف
و انها حتي لا قابله تقابلك لو مجرد ضيف
و انها حتي لا بتسمعلك و الفشل ليك بس حليف
تايه انا تايه انا مش عارفني هربت مني ليه
حاسسني زي غايب مكتوب حضور وسط ملايين من الميتين
كانت ضلي و اللي فاضلي كانت الهامي اللي وقت ما اكتب تندهلي
كانت كل حاجه كانت ببساطه اكسجيني اللي عايش بيه
بفرح لما بشوف ضحكتك من بعيد
و اتمني اكون لكل اسباب ضحكتك بديل
الف هم يصيبني لما بشوفك مش سعيده
ببقي نفسي عليكي اطير و لفرحك اكون دليل
يا مستحيل قلبك حجر و انا مشروخ بكا و تنهيد
و انت مش بتميل واخدني ند في قلبي نار عندك بتقيد انا في تعقيد
كل ما اجي اكتب بكتبلك
غصب عني صورتك بشوفها ورقتي
اتغزل عليها بقلمي و اقول وحشاني امتي هترجعلي

Chorus:
تايه انا تايه انا يا دنيا غيبتي عني و رحتي فين
بندم في كل لحظه سبتها و انا معاكي وقتها انتي و انا

تايه انا تايه انا سبتي الذكري تاكل فيا ليه
كان ممكن كل ده ينتهي ببيت يملاه حبنا انتي و انا

Verse 2:
الشغف ميه من البرود بقت تلج جمود
الاسف معني بيموت في كل يوم بيفوت
الدمع جف بسكت و في مره تلاقيني بضحك
مش فاهمني و مش هتفهمني انا مش طبيعي شبهني بالغموض
مش بسمع غير صوتها مبشوفش غير صورتها
عيني معميه عن كل حاجه الا هيا
ده موت بالبطئ .. يا اللي قلبي في حبك برئ
كله شم الدخان و محدش هيقدر يطفي الحريق الا انتي
انا تايه في الايام و العمر بيحبي زي سنين عجاف بيعدي
الوقت بشوفه ارقام ملوش لزوم طول ما هيا مش جنبي
مشبعتش في حبك شعر .. مشبعتش في املي صبر
اليأس شيطان رميته بالجمر
هفضل اعافر طول ما فيا عمر
انا اعتذرت اتاسفت كتير
قلت اللي ميتقالش صبرت ييي
كرامتي جت عليا كتير
و العشم لساه مماتش تعبت
الطعم و اللون في الكون اختفي
تابوت و موت فيه روحي بكفن
غريق بستنجد صوتي مش بيوصل
مفيش سفن معلق حظي ع الصُدف

Chorus:
تايه انا تايه انا يا دنيا غيبتي عني و رحتي فين
بندم في كل لحظه سبتها و انا معاكي وقتها انتي و انا

تايه انا تايه انا سبتي الذكري تاكل فيا ليه
كان ممكن كل ده ينتهي ببيت يملاه حبنا انتي و انا

Follow B-Sallam ♫
►Youtube : goo.gl/vsge3Q
►Anghami : goo.gl/nS8GLv
►SoundCloud : goo.gl/kvoB9a
►Instagram :goo.gl/GnjWMA
►Twitter : goo.gl/5T3tYP
►Page : goo.gl/QJLUK6
►Profile : goo.gl/4Hpvsq
►reverbnation: goo.gl/PbnWBQ
►@b-sal-lam